Si Palui
Si Palui: Buang-Buang Waktu
Musuh kita nang numur satu adalah buang-buang waktu, ujar pambakal ka Palui wan kakawalannya.
lihat foto
“Ulun simbur nah kalambu pian! Handak mancari ember dahulu!” sambat nang bini banyaring.
Mandangar bini maambil gayung wan ember, Palui lakas bangun. ”Uh umanya aku handak batanaman dapur hidup tadi nah,” sahut Palui mata kurup-kurup lagi.
“Lakasi ditanam, jangan banyak pander ja, akhirnya pian sorang jua ai nang buang-buang waktu!” bini Palui lantih.
“Nah Palui rajin banar batanaman di halaman rumah,” sambat pambakal pas sidin malihat.
“Ni pambakal ai, daripada buang-buang waktu, labih baik batanam dapur hidup, supaya handak manyayur kena tinggal mamutik haja lagi, ampih mamutik di pasar,” ucap Palui, himung pambakal, karana malihat Palui rajin batanaman.
“Mudahan ai saluruh warga manuruti kaya ikam ni Lui ai,” ujar pambakal.
“Sip pambakal ai, mudahan hasil tanamanku,” Palui asa himung, padahal tadi sampat guring dahulu, untung ha nang bini manggarak banar hanyar tabangun.
Iya begitulah kalakuan Palui. Ambil nang baiknya buang nang buruknya.
(aan maulana/penulis matan kuta dudul,HSS)
