Si Palui : Tikar Kalambu

Pada hari nang sudah ditatapakan, tulakanlah bubuhan Palui ba-antaran mambawa tikar kalambu sasuai syarat nang diminta.Tapi imbah bapapanderan julak Marintim takajut banar karna nang diantar bujur-bujur tikar wan kalambu kadada lagi panggapit lainnya kaya tapih baju salangkapnya ditambah duit basalamatan.

"Tarimakasihlah julak, mudahan pajuduhan kita ini awet sampai baranak cucu," ujar Palui parmisi handak bulikan.

"Uuiii..... Lui!" sahut julak Marintim. "Bawa bulik ja tikar kalambu itu karna kami sudah ada baisian," ujarnya mambulikakan tanda kada jadi, sambil manggarunum.

"Dasar Palui bangak kada paham tamsil ibarat tikar kalambu nang artinya jujurannya langkap sakamar pangantin!" ujar julak Marintim bamamai saling nyaringan. (banjarmasinpost.co.id/mht/repro)