Breaking News:

Palui

Si Palui: Mancari Makan

Marga haraga BBM balarang, Palui kada kawa lagi rancak mambawai anak bininya bapiknikan ka luar kuta.

Editor: Syaiful Akhyar
Si Palui: Mancari Makan
bpost cetak
Si Palui: Mancari Makan

Editor: Syaiful Akhyar

BANJARMASINPOST.CO.ID - Marga haraga BBM balarang, Palui kada kawa lagi rancak mambawai anak bininya bapiknikan ka luar kuta.

Wayah ini, tapaksa ai sabulan sakali. Itu gin di dalam kuta haja. Nang panting kawa mambawa anak bini, tulakan pakai mutur kasayangannya, mini bus Mustibaishi.

Pas Palui saparanakan sudah siap handak tulakan, datang Tulamak lawan Garbus manyambang.

“Handak kamanaan, Lui?” Tulamak managur sambil manjinguk ka dalam mutur.

Baca juga: Opini Publik - Sudah Siapkah (Kembali) Masuk Sekolah?

Baca juga: Tajuk - Sekolah Tergantung Zona

Baca juga: Pandemi Covid-19, Peringatan Hari Jadi Kabupaten Tapin Berlangsung Sederhana

“Kami handak bajalanan,” sahut Palui. “Buhan ikam handak umpatan kah?”

Kada mahadang dibawai dua taku kali lagi, lakas Tulamak wan Garbus babuatan. Lalu mangalunyur ai buhannya tulakan samuturan.

“Kada usah balalaju, Lui ai. Cukup jalan 20 haja,” ujar Tulamak manggayai.

“Hi ih, Lui ai. Biar buruk asal salamat,” umpat jua Garbus mahapaki mutur Palui.

Paharatan buhannya katawaan, bagasut muturnya pina darudut-darudut. Kada saapa langsung mati sapanjadi.

Halaman
123
Ikuti kami di
KOMENTAR

BERITA TERKINI

Tribun JualBeli
© 2021 TRIBUNnews.com Network,a subsidiary of KG Media.
All Right Reserved