Si Palui : Minta Dibulikakan

BANJARMASINPOST.CO.ID -  Akibat cangkal bacari, Palui kawa jua mangumpulakan duit gasan baubat. Inya handak maubati panyakit burutnya nang sudah lawas diharitnya. Ujar dokter Palui harus manjalani uperasi ringan.

Dua hari Palui bamalam di rumah sakit, isuknya Palui manjalani uperasi. Akhirnya burutnya suksis diangkat imbah sajam satangah ditangani ulih dokter.

"Kaya apa rasanya pa Palui?" ujar dokter manakuni Palui.

"Alhamdulillah, sudah kada ngalih lagi bajalan, sudah kadada nang basangkangan lagi," ujar Palui.

• Sosok yang Ikut Biayai Liburan Raffi Ahmad & Nagita Slavina Disebut, Kakak Syahnaz Habiskan Rp 10 M

• Panggilan Sayang Ahmad Dhani ke Maia Estianty, Video Suami Mulan Jameela Cium Ibu Al El Dul Viral

• Komunitas Katapel Kalsel Kenalkan Olahraga Tradisional, Ibnu Sina : Ingat Dulu Sering Katik Burung

• Pencipta Lagu Banjar Harusnya Dapat Royalti, Sayang Banyak Tidak Lakukan Ini

"Kalo kaya itu pa Palui, isuk lusa sudah kawa bulik ka rumah. Sudah kawa baaktipitas nangkaya biasa lagi," ujar dokter. Tapi ingatakan jangan baangkat nang barat-barat dahulu," ujarnya pulang.

"Tarima kasih pa dokter," ujar Palui kahimungan karna kada baisian burut lagi.

Imbah sabulan bulik ka rumah, Palui bakajutan cungul pulang di rumah sakit. Lalu mandapati dokter nang mauperasinya.

"Ada apa pa Palui, apakah ada kaluhan lagi?" ujar dokter batakun.

"Sabujurnya ulun baik-baik haja dokter ai. Ulun kadada kaluhan sama sakali, awak ulun sihat kawa bajalan gagah wan basalawar jin lagi," ujar Palui.

"Tarus napa tujuan pa Palui kamari?" ujar dokternya bingung.

"Anu pa dokter, pian kawalah mauperasi ulun lagi. Kawalah pian mambulikakan burut ulun nang pian uperasi samalam?" ujar Palui supan-supan.

"Hau, kanapa pa Palui," ujar dokter takajut.

"Anu pa dokter, sabujurnya nang ada kaluhan itu bini ulun. Inyalah nang manyuruh ulun babulik ka sini," ujar Palui manarangakan.

"Wah dasar bujur anih bini pa Palui itu. Saharusnya inya basukur karna pa Palui sudah sihat, tapi kanapa maka inya labih katuju lakinya babulik baisian burut pulang," ujar dokter hiran.

"Inggih. Tapi bini ulun bakaras manyuruh ulun manamui pian, kalo-kalo pian kawa mambulikakan burut ulun supaya nangkaya samula," ujar Palui pulang.

• RUU Omnibus Law Didemo, Mahasiswa Tolak Masuk Kantor DPRD Kalsel

• Pengusaha Karaoke Nego Petugas Royalti, Penarikan 2019 Capai Rp 90 Miliar

• Operasional Air Mancur Menari Taman Kamboja Banjarmasin Bisa Capai Rp 300 Ribu Per Jam