Si Palui: Hilim Satandar

Editor: Alpri Widianjono

BANJARMASINPOST.CO.ID - “LAKASI umanya kita bulikan, hari sudah mulai tarang, kaina aku talambat tulak bagawi,” ujar Palui mambawai bininya bulik matan pasar subuh.

“Hadang hulu abahnya, ulun kada ingat manukar galapung,” ujar bininya lalu basinggah ka wadah urang bajual galapung.

“Lajui umanya babuat, kaina kita takana macet,” ujar Palui wayah bininya tuntung batatukar.

Sampai di simpang ampat, Palui tapaksa bamandak karna wayah itu lampu habang. Sakalinya datang pulisi baparak.

“Salamat pagi pa,” ujar pulisi itu sambil mambari hurmat. “Ampun maap pian tapaksa ulun suruh ka pinggir satumat,” ujar pulisi itu.

“Hau... kanapa pa pulisi maka aku disuruh ka pinggir. Parasaan aku kada malanggar lampu habang, disamping itu langkap haja jua,” ujar Palui bingung.

Baca juga: Si Palui : Kada Basalawar

Baca juga: Si Palui: Tapakai Mintuha

“Sampiyan tahu lah salah pian napa?” ujar pulisi.

“kada?” ujar Palui.

“Sampiyan kada mamakai hilim satandar,” ujar pulisi manarangakan.

“Hilim satandar kah? Lalu nang ulun pakai ini hilim napa ngarannya?” ujar Palui batakun.

“Nang ikam pakai itu kada satandar, kada kawa malindungi kapala, amun tahampas langsung pacah,” ujar pulisi manarangakan.

“Sampiyan nukar dulu, hanyar imbah itu babulik ka sini maambil ribuwis wan STNK - nya,” ujar pulisi pulang.

“Kalu satandar ulun ada di rumah, bakas sapida mutur bahari,” ujar Palui.

Baca juga: Si Palui: Bacalon Anggota DPR

Baca juga: Si Palui: Mancari Makan

“Lajui sampiyan ambil, aku handak malihat pian mamakainya. Bini pian tapaksa mahadangi satumat di sini,” ujar pulisi.