Si Palui : Batimbak

BANJARMASINPOST.CO.ID - Biar piala dunia sudah ampihan, tapi kamaruknya masih karasaan sampai wayah ini. Kada cuma bubuhan kakanakannya nang main bal, urang tuhanya gin kada katinggalan, umpat jua basisipakan.

"Aku kada parcaya kisah ikam nang dipakai umpat main bal Lui ai. Jangankan main bal, bukah haja ikam pina tahiring-hiring," ujar Tulamak mahuhulut Palui.

"Aku kada handak ikam tamakan pandir nang mamadahakan aku kada bisa main bal. Mulai lagi halus aku sudah biasa main bal di pahumaan," ujar Palui manantang kakawalannya.

"Nah Mak, ikam ditantangnya," ujar Garbus mamanasi Tulamak.

• Sulit Baca Gerak Bibir Jokowi

• Penyebab Kebakaran Tewaskan 2 Orang di Rantauan Darat Diungkap, Diduga Korsleting

• Punya 3.700 Koleksi Benda Bersejarah, Profesor Ini Bangun Museum Pribadi dan Karyawanya Segini

• Saat Ditemukan Terpanggang, Daniel Tewas Sambil Peluk Laptop, Jenazah Firmansyah Ditemukan Bersujud

"Kita basisipakan haja alias batimbak, bagagantian manyipak wan jadi kipir," ujar Palui.

"Aku siap jadi kipir wan siap jua manyipaknya," ujar Tulamak baagak.

"Mana balnya Lui?" ujar Garbus batakun.

"Bal-nya aku balum baisian tapi gasan latihan basisipakan ini baiknya kita mainjam bal anakku haja," ujar Palui mangiyau anaknya supaya maambilakan balnya di rumah.

"Ini lain bal gasan main bal tapi gasan basipak raga, main takraw karna bahannya paikat baayam," ujar Tulamak maniwas.

"Gasan malatih batis baik haja," sahut Palui.

"Ikam jadi kipir panjaga gawang Lui ai wan Tulamak nang mamulai manyipaknya," ujar Garbus manyuruh.

"Musti ada parjanjian, bila kalah mambayariakan nginuman wan bila ada nang tasalihu atawa lingsak jadi tanggungan masing-masing, kada bulih manyalahakan," ujar Palui maulah parjanjian.

"Siap, risiku tanggung masing-masing. Aku mulai nang manyipaknya," ujar Tulamak manantang Palui.

"Aku siap jua jadi kipir wan Garbus jadi wasitnya," ujar Palui manyuruh Tulamak mulai manyipak.

Sambil maambil ancang-ancang lalu Tulamak manyipak balnya

• MUI Kalsel Gelar Rakorda, Staf Khusus Presiden dan Wasekjen MUI Pusat Hadir, Ini Tema yang Dibahas

• Peluncuran Pemilihan Wali Kota dan Wakil Wali Kota Banjarbaru 2020, Ini Tahapan Pentingnya

• NEWSVIDEO Inilah Balikuhai, Kue Zadul Langka yang Digemari Warga Hulu Sungai Tengah