Si Palui

Si Palui - Janda Kambang

Pambakal Duan wayahini lagi bacari bibinian,Sual bacari bibinian ini, sidin parcaya banar lawan Palui.

Si Palui - Janda Kambang
BPost Cetak
Pambakal Duan Bacari Bini, Sual bacari bibinian ini, sidin parcaya banar lawan Palui. 

BANJARMASINPOST.CO.ID - Pambakal Duan wayahini lagi bacari bibinian, maklum sidin sudah lawas saurangan karna ditinggalakan mati bininya. Sual bacari bibinian ini, sidin parcaya banar lawan Palui.

"Lui, cariakan bibinian. Aku tahu ikam urangnya pangawan wan banyak kawan kalu. Janda atawa balu kada papa jua, asal hakun ku ambil bini," ujar Pambakal Duan waktu tadapat Palui.

"Kabalujuran banar Pambakal ai. Ulun ada baisian kanalan janda. Sidin takanal sabagai janda kambang. Di kampungnya sidin takanal banar sabagai janda kambangnya kampung, samunyaan urang pasti tahu."

"Bujuran janda kambangkah Lui, di mana kampung sidin? Ikam tahu saurang kalu, aku nangini hantu babinian jua, asal aku tahu rumahnya pasti kudatangi," ujar Pambakal Duan.

Baca: Kisah Perajin Permainan Tradisional, Dakuan Ajarkan Anak Kelola Uang

Baca: BPJS Naik Tahun Depan, Batas Atas Upah Jadi Rp 12 Juta

Baca: Iuran BPJS Naik, Pemkab Siap-siap Tambah Anggaran

Baca: Indonesia Vs Malaysia, Pertaruhan Kebanggaan Negara

"Bujur... asli janda kambang pambakal ai, lamun pian ka sana, bapadah ulun nang manyuruh, sabab ulun sudah rakat bakawan wan sidin," ujar Palui sambil manjulung kartas alamat si janda kambang.

"Tarima kasih banyak Lui lah, baik banar ikam wan aku. Ini nah duit sapuluh ribu, gasan ikam baulanja," jar Pambakal langsung bajauh.

Kaisukan harinya imbah bailang ka rumah si janda kambang, Pambakal Duan kulilik ka sana ka mari mancari Palui. Imbah tadapat langsung haja sidin manyarik.

"Dasar panipu banar ikam nangini Lui ai, muha nangkaya simpang ampat nangitu ikam padahakan janda kambang. Cucuk ai ngarannya gin Bu’ut Parmatasariki, pas haja pang lawan urangnya," ujar Pambakal Duan manyumpah.

"Hauuww, sabar Pambakal jangan talalu manghina ciptaan Tuhan, muha pian gin babaya sangkut jua kalu," ujar Palui manyabari Pambakal Duan.

Baca: Dian Sastro Tularkan Kebiasaan Membaca Pada Anak, Ini 7 Tokoh Sukses di Dunia yang Hobi Membaca

Baca: Blokir 29 Kabupaten Dibuka, Rabu Tengah Malam Warga Papua dan Papua Barat Sudah Bisa Akses Internet

Baca: Tetap Cantik Setelah 19 Tahun Menjanda, Ini Rahasia Penampilan Memukau Rita Sugiarto Diusia 52 Tahun

"Maka jar ikam sidin nangitu janda kambang kanapa muhanya nangkaya itu," ujar pambakal magin manyarik.

"Sidin nangitu memang asli janda kambang, karena gawian sidin sabujurnya bajualan kambang di pasar. Pian banar ai nang tasalah," jar Palui pulang.

"Bah... iya am... diwaluhinya aku," jar Pambakal Duan kakalahan sambil bajauh maninggalakan Palui nang takurihing saurangan. (repro)

Editor: Hari Widodo
Ikuti kami di
KOMENTAR

BERITA TERKINI

© 2020 TRIBUNnews.com Network,a subsidiary of KG Media.
All Right Reserved